Сервис - СОС Консултации

Со цел да одговори на потребите и барањата на граѓаните, во октомври 2002 година Отворена Порта ја отвори СОС линијата за помош од трговија со луѓе  како сервис кој што нуди информација, превенција и советување на граѓаните, тргуваните лица и нивните семејства, во Р.Македонија. Целта на СОС-линијата е намалување на ризикот од трговија со луѓе преку подигнување на јавната свест и обезбедување на информации и асистенција на СОС-јавувачите.
Постојат две СОС линии на Отворена Порта/Ла Страда, еден фиксен број 2777-070 и 0800 11111 бесплатен број за сите јавувања од Македонија, двете линии работата секој ден од 08-20 часот.
Врз основа на услугите кои ги нуди СОС линијата таа преставува спој меѓу два значајни сегменти во борбата против трговијата со луѓе-Превенцијата и Дирекната поддршка на жртвите од трговија со луѓе.

СОС линијата ги нуди следниве услуги:

Превентивни информации:

Информации за безбедно заминување или работа во странство
Информации за сигурна миграција
Информации за правата на работниците во земјата на дестинација
Информации потребни за проверка на содржината на договорт за работа
Информации за регистрирани лиценцирани агенции за вработување 
достапна на веб страната на Министерство труд и социјална политика
Листа на регистрирани Агенции за привремени вработувања
Листа на Агенции за посредување за вработување во земјата и странство со наплата
Информации за други СОС линиии, здруженија  и институции за помош од трговија со луѓе во странство
Контакти од организации и институции во земјата на дестинација
Контакти од Дипломатски претставништва на Република Македонија во Европа
достапни на веб страната на Министерство за надворешни работи на Р.Македонија
Листа на визен режим за граѓаните на Р.Македонија 
Информации за законите за трговија со луѓе во странство
Информации за работничките права во Македонија
Работна дозвола за странец достапна на веб страната на Министерство за труд и социјална политика
Информации за визи за влез во Р. Македонија достапна на веб страната на 
Министерство за надворешни работа на Р.Македонија
Други услуги.

Директна помош:
Емоционална помош
Психо-социјална помош
Основен правен совет
Информација и асистенција при неволја
Помош при воспоставување контакти со други институции
Обезбедување на директен контакт за поддршка и помош на потенцијалните или 
тргуваните лица и нивните семејства
Сместување во прифатилиште

Сите услуги на СОС-линијата се достапни и преку е-пошата: [email protected]   и отворени за сите без разлика на пол,национална и етничката припадност.

  • Стратешки партнерства за развивање на социјална агенда за промени

     

    Здружението за акција против насилство и трговија со луѓе - Отворена порта Ла страда, го промовираше проектот Стратешки партнерства за развивање на социјална агенда за промени: Препознај, почитувај и остварувај права“ финансиран од Европската Унија.

    Неговото спроведување треба да овозможи зајакнување на граѓанските организации во Македонија, како и нивна можност за финансирање преку програма за ре-грантирање за поддршка на здруженија на граѓани кои што делуваат во областа на заштитата на човековите права (жени, деца, социјални права, миграција, организиран криминал вклучувајќи ја и трговијата со луѓе и експлоатацијата).

    Дознајте повеќе!
  • Open call for Consultancy

    Open call for Consultancy for the Guide on referral system/social service delivery for migrants

    Title: IRIS NETWORKing - CSOs for protection sensitive migration management

    Дознајте повеќе!
  • ПОВИК ЗА ОБУКА

    Дознајте повеќе!
  • Меѓународен ден на жената 8 март Почитување на правата на жените работнички и искоренување на трудовата експлоатација

    Меѓународен ден на жената  8 март 
    Почитување на правата на жените работнички и искоренување на трудовата експлоатација

    Овој 8 ми март го посветуваме на жените работнички од текстилната и кожарската индустрија  и повикуваме на почитување на работничките права и искоренување на трудовата експлоатација која што се случува во Македонија.

    Текстилната индустрија е најголема извозна индустрија во Македонија која допринесува економска стабилност, производство, работа, извоз. Податоците од теренските истражувања што Отворена Порта ги направи во 2015/2016 за текстилната и кожарската индустрија укажуваат на полова дискриминација, односно жени работници кои заработуваат помалку од нивните машки колеги за работа со еднаква вредност. Жените претежно се наоѓаат во  безизлезна состојба и не можат да излезат  од услови на сиромаштија со речиси никакви можности за работа. Ниските плати вршат структурно, економско насилство врз работниците, особено врз жените. Зависноста е клучен збор тука,  главно за илјадниците жени принудени да останат на работното место, без разлика колку се лоши условите за работа.  Ниските плати, исто така, резултираат со сиромаштија која  двојно и тројно ги оптоварува  жените работнички. На пример повеќе жени работнички од  Македонија споделија дека покрај работата во фабрика , мора да се ангажираат и во земјоделството за да преживеат.

    За жал многу ретко работниците пријавуваат прекршување на работничките права и трудова експлоатација, најмногу поради страв да не  ја загубат работата или поради недоверба во институциите и судството.

    Ние го осудуваме пазарот кој ги експлоатира и прекршува правата на жените работнички особено во текстилната и кожарската индустрија.  

    Ние сметаме дека Владата треба да посвети повеќе внимание на мерките за сузбивање на трудовата експлоатација,  заштитата на човековите права, вклучувајќи ги и работничките права  и истите да бидат приоритет во нејзината работа.

    Како организација ќе продолжиме да ги заштитуваме и да се бориме за правата на жените работнички,  жртвите на трудова експлоатација и трговија со луѓе.  Ве потсетуваме дека истражувањето на Отворена порта можете да го проследите на следниов линк: http://www.lastrada.org.mk/mainarchive/The-real-cost-of-our-shoes-REPORT-SUPER-LOW.pdf

     

    Дознајте повеќе!
  • Превенција од трговија со деца преку обработка на едукативен филм Набљудувачи

    Отворена Порта спроведе низа на работилници во 12 средни училишта во Скопје и Куманово, каде младите- средношколци имаа можност да го проследат филмот „Набљудувачи“ и да дискутираат на тема превенција од трговија со луѓе. 
    Филмот набљудувачи е 36 минутен филм , снимен во форма на колаж, кој се состои од 3 различни приказни за трговија со деца и млади. Филмот е од едукативен карактер и во последните секвенции од приказната се прикажува еден од многуте начини на конструктивно разрешавање на ситуацијата во кое се нашло детето/младата личност , и којашто не би довела до искуство со трговија со луѓе. 
    Низ овој пристап на анализа на филмот со учениците, се испраќа јасна порака дека некои различни ситуации во кој може да се најде било која млада личност, кој се дел од секојдневниот живот, можат да доведат до позитивни или негативни искуства , зависно од начинот на кој реагираат сите клучни актери во таа ситуација(семејството, младите, заедницата, стручниот персонал од училиштата, наставниците) кои се грижат за благосостојбата на детето. 
    Преку гледањето на филмот и дискусија со учениците се овозможува да се разбере сложеноста на феноменот на трговија со луѓе и да се согледаат можните начини за заштита и намалување на ризикот од трговија со деца. 
    Активностите беа организирани во партнерство со Набљудувачката мисија на ОБСЕ во Скопје.
    Превенција од трговија со деца преку обработка на едукативен филм Набљудувачи. 

        

    За да го погледнете филмот ве молиме отворете го следниов линк: https://www.youtube.com/watch?v=Thb6Ccot9as 

     

    Дознајте повеќе!
  • Нова регионална иницијатива на ИРИС МРЕЖА

    Нова регионална иницијатива на ИРИС  МРЕЖА

    Заеднички состанок, Скопје, 02.март 2018, домаќин Отворена порта

    Целта на состанокот е преставување на  новите можности на соработка и поддршка на членовите на ИРИС мрежата.

    Повеќе за проектот можете да погледнете на следниов линк: http://iris-see.eu/new-regional-initiative-of-the-iris-network-csos-for-protection-sensitive-migration-management/

    Дознајте повеќе!
Видеа
  • МОБИЛНА АПЛИКАЦИЈА BAN HUMAN TRAFFICKING
    МОБИЛНА АПЛИКАЦИЈА BAN HUMAN TRAFFICKING
  • Трговијата со луѓе и трудова експлоатација на нашиот континент
    Трговијата со луѓе и трудова експлоатација на нашиот континент
  • КРЕНИ ГО ГЛАСОТ ПРОТИВ ТРГОВИЈАТА СО ЛУЃЕ- 2 дел
    КРЕНИ ГО ГЛАСОТ ПРОТИВ ТРГОВИЈАТА СО ЛУЃЕ- 2 дел
  • Спречи, Заштити, Надомести
    Спречи, Заштити, Надомести
  • Медиумска кампања „Крени го гласот против трговијата со луѓе“ -1 Дел
    Медиумска кампања „Крени го гласот против трговијата со луѓе“ -1 Дел
  • Банер Хана
    Банер Хана
Донатори
Top