Програма - Социјална Асистенција

Програма за директна помош и поддршка содржи најразлични услуги создадени токму за помош и за поддршка на жртвите од трговија со луѓе. Сите услуги кои се обезбедуваат имаат за цел надминување на траумите на жртвите преку активности за стабилизација, а во напредната фаза од процесот на поддршка, нивно зајакнување и целосна интеграција во средината во која ќе живеат.

Програмата ги вклучува следнте сервиси:

  • Обезбедување на сигурно сместување;
  • Обезбедување на хуманитарна помош;
  • Медицинска помош;
  • Специјализирано психо-социјално советување;
  • Правно советување и застапување во судски процеси;
  • Образование и дополнителна професионална квалификација;
  • Зајакнување на вештините за барање работа;
  • Координација и соработка со релевантните организации и институции.

Програма за придружна социјална работа за социјално ризични категории наменета за лица под висок ризик од трговија со луѓе и тргувани лица кои не се сместени во прифатилиштето, а на кои покрај услугите од програмата за директна помош и поддршка дополнително им се обезбедува:

  • Индивидуално и семејно советување;
  • Олеснување на пристапот до соодветни услуги на локално ниво; и
  • Долгорочна емоционална поддршка.

Работа со деца повратници од земјите на ЕУ која вклучува активности насочени кон давање на индивидуална поддршка на родителите и децата со цел полесно вклопување во општествената средина и која вклучува:

  • Хуманитарна помош;
  • Навремено вклучување во образовниот процес на детето;
  • Помош и поддршка при остварување на здравствена и социјална заштита;
  • Помош на децата полесно да се вклопат во општествената средина по нивното враќање од земјите членки на ЕУ;
  • Индивидуално и семејно советување;
  • Олеснување на пристапот до соодветни услуги на локално ниво; и
  • Долгорочна емоционална поддршка.

Програма за поддршка на баратели на азил

Отворена порта спроведува програма за Ранливи категории на лица во процес на мигрирање кои имаат потреба од итна интервенција, стручна помош и поддршка во Р. Македонија. Програмата се однесува на лица кои се сместени во Центарот за баратели на азил, а припаѓаат во следниве категории на лица:

  • Непридружувани малолетници баратели на азил;
  • Семејства кои се баратели на азил;
  • Самохрани родители со деца;
  • Жртви на сексуално и родово базирано насилство.

Целите на програмата се повеќекратни и вклучуваат помош на сместените лица полесно и поуспешно да се вклучат во тековните процеси на општественото живеење, односно успешна интеграција во општеството. Дополнително целта е да спроведе социјална односно општествена медијација помеѓу потребите на овие лица и системот за подршка кој е создаден од страна на државата и им стои на располагање на барателите на азил.

Активностите во рамки на програмата вклучуваат:

  • Индивидуални психо-социјални советувања на коисниците на програмата;
  • Групни едукативно – окупациски работилници;
  • Основни часови по Македонски јазик;
  • Подигање на свеста на населението за проблемите и потребите на барателите на азил.

 

 

  • Стратешки партнерства за развивање на социјална агенда за промени

     

    Здружението за акција против насилство и трговија со луѓе - Отворена порта Ла страда, го промовираше проектот Стратешки партнерства за развивање на социјална агенда за промени: Препознај, почитувај и остварувај права“ финансиран од Европската Унија.

    Неговото спроведување треба да овозможи зајакнување на граѓанските организации во Македонија, како и нивна можност за финансирање преку програма за ре-грантирање за поддршка на здруженија на граѓани кои што делуваат во областа на заштитата на човековите права (жени, деца, социјални права, миграција, организиран криминал вклучувајќи ја и трговијата со луѓе и експлоатацијата).

    Дознајте повеќе!
  • Open call for Consultancy

    Open call for Consultancy for the Guide on referral system/social service delivery for migrants

    Title: IRIS NETWORKing - CSOs for protection sensitive migration management

    Дознајте повеќе!
  • ПОВИК ЗА ОБУКА

    Дознајте повеќе!
  • Меѓународен ден на жената 8 март Почитување на правата на жените работнички и искоренување на трудовата експлоатација

    Меѓународен ден на жената  8 март 
    Почитување на правата на жените работнички и искоренување на трудовата експлоатација

    Овој 8 ми март го посветуваме на жените работнички од текстилната и кожарската индустрија  и повикуваме на почитување на работничките права и искоренување на трудовата експлоатација која што се случува во Македонија.

    Текстилната индустрија е најголема извозна индустрија во Македонија која допринесува економска стабилност, производство, работа, извоз. Податоците од теренските истражувања што Отворена Порта ги направи во 2015/2016 за текстилната и кожарската индустрија укажуваат на полова дискриминација, односно жени работници кои заработуваат помалку од нивните машки колеги за работа со еднаква вредност. Жените претежно се наоѓаат во  безизлезна состојба и не можат да излезат  од услови на сиромаштија со речиси никакви можности за работа. Ниските плати вршат структурно, економско насилство врз работниците, особено врз жените. Зависноста е клучен збор тука,  главно за илјадниците жени принудени да останат на работното место, без разлика колку се лоши условите за работа.  Ниските плати, исто така, резултираат со сиромаштија која  двојно и тројно ги оптоварува  жените работнички. На пример повеќе жени работнички од  Македонија споделија дека покрај работата во фабрика , мора да се ангажираат и во земјоделството за да преживеат.

    За жал многу ретко работниците пријавуваат прекршување на работничките права и трудова експлоатација, најмногу поради страв да не  ја загубат работата или поради недоверба во институциите и судството.

    Ние го осудуваме пазарот кој ги експлоатира и прекршува правата на жените работнички особено во текстилната и кожарската индустрија.  

    Ние сметаме дека Владата треба да посвети повеќе внимание на мерките за сузбивање на трудовата експлоатација,  заштитата на човековите права, вклучувајќи ги и работничките права  и истите да бидат приоритет во нејзината работа.

    Како организација ќе продолжиме да ги заштитуваме и да се бориме за правата на жените работнички,  жртвите на трудова експлоатација и трговија со луѓе.  Ве потсетуваме дека истражувањето на Отворена порта можете да го проследите на следниов линк: http://www.lastrada.org.mk/mainarchive/The-real-cost-of-our-shoes-REPORT-SUPER-LOW.pdf

     

    Дознајте повеќе!
  • Превенција од трговија со деца преку обработка на едукативен филм Набљудувачи

    Отворена Порта спроведе низа на работилници во 12 средни училишта во Скопје и Куманово, каде младите- средношколци имаа можност да го проследат филмот „Набљудувачи“ и да дискутираат на тема превенција од трговија со луѓе. 
    Филмот набљудувачи е 36 минутен филм , снимен во форма на колаж, кој се состои од 3 различни приказни за трговија со деца и млади. Филмот е од едукативен карактер и во последните секвенции од приказната се прикажува еден од многуте начини на конструктивно разрешавање на ситуацијата во кое се нашло детето/младата личност , и којашто не би довела до искуство со трговија со луѓе. 
    Низ овој пристап на анализа на филмот со учениците, се испраќа јасна порака дека некои различни ситуации во кој може да се најде било која млада личност, кој се дел од секојдневниот живот, можат да доведат до позитивни или негативни искуства , зависно од начинот на кој реагираат сите клучни актери во таа ситуација(семејството, младите, заедницата, стручниот персонал од училиштата, наставниците) кои се грижат за благосостојбата на детето. 
    Преку гледањето на филмот и дискусија со учениците се овозможува да се разбере сложеноста на феноменот на трговија со луѓе и да се согледаат можните начини за заштита и намалување на ризикот од трговија со деца. 
    Активностите беа организирани во партнерство со Набљудувачката мисија на ОБСЕ во Скопје.
    Превенција од трговија со деца преку обработка на едукативен филм Набљудувачи. 

        

    За да го погледнете филмот ве молиме отворете го следниов линк: https://www.youtube.com/watch?v=Thb6Ccot9as 

     

    Дознајте повеќе!
  • Нова регионална иницијатива на ИРИС МРЕЖА

    Нова регионална иницијатива на ИРИС  МРЕЖА

    Заеднички состанок, Скопје, 02.март 2018, домаќин Отворена порта

    Целта на состанокот е преставување на  новите можности на соработка и поддршка на членовите на ИРИС мрежата.

    Повеќе за проектот можете да погледнете на следниов линк: http://iris-see.eu/new-regional-initiative-of-the-iris-network-csos-for-protection-sensitive-migration-management/

    Дознајте повеќе!
Видеа
  • МОБИЛНА АПЛИКАЦИЈА BAN HUMAN TRAFFICKING
    МОБИЛНА АПЛИКАЦИЈА BAN HUMAN TRAFFICKING
  • Трговијата со луѓе и трудова експлоатација на нашиот континент
    Трговијата со луѓе и трудова експлоатација на нашиот континент
  • КРЕНИ ГО ГЛАСОТ ПРОТИВ ТРГОВИЈАТА СО ЛУЃЕ- 2 дел
    КРЕНИ ГО ГЛАСОТ ПРОТИВ ТРГОВИЈАТА СО ЛУЃЕ- 2 дел
  • Спречи, Заштити, Надомести
    Спречи, Заштити, Надомести
  • Медиумска кампања „Крени го гласот против трговијата со луѓе“ -1 Дел
    Медиумска кампања „Крени го гласот против трговијата со луѓе“ -1 Дел
  • Банер Хана
    Банер Хана
Донатори
Top